TVRI YOGYAKARTA NEWS – SETYA BUDI
Dumugining wekdal sakmenika, peken tradisional tasih dados piyandelipun kadang tani ing Gunungkidul kangge nyade asil bumi. Asil saking nyade asil bumi menika salajengipun dipun ginakaken kangge mundhut bahan kabetahan pokok.
Saben dinten pasaran kliwonan, Peken Tradisional Trowono ingkang mapan ing Kapanewon Paliyan Gunungkidul menika regeng saking kridaning dol tinumbas. Kajawi minangka papan kangge pados kabetahan, ing Peken Tradisional Trowono menika ugi katah kadang tani ingkang sami nyade asil buminipun langsung dumateng masyarakat. Manekawerni asil bumi saking kadang tani gampil dipun panggihaken ing peken menika, antawisipun jinis janganan, lombok, klapa, kacang brol lan komoditas palawijo sanesipun. Asil bumi menika kajawi dipun sade langsung dumateng warga masyarakat, ugi dipun sade dining para bakul. Sarmi salah saweneh bakul ing peken menika waleh, bilih katah saking parta kadang tani ingkang nyade asil bumi ing papanipun. Kadang tani menika mboten namung saking laladan paliyan kemawon, ananging ugi saking laladan sanes. Sak sampunipun nyade asil bumi ing papanipun, kadang tani lajeng blanja kabetahan padintenan ginakaken asil saking nyade asil bumi kala wau.
Mlebet ing mangsa rendeng kados wekdal sakmenika, padatanipun panyadening asil bumi langkung rame. Sewalikipun menawi ing mangsa ketiga panyadening asil bumi langkung sepen.
