TVRI YOGYAKARTA NEWS – JATMIKO HADI
Ing mangsa preen natal 2024 lan warsa enggal 2025 menika, gunggunging bis ingkang mlebet ing Teminal Ngeplang ingkang mapan ing Kapanewon Sentolo Kabupaten Kulonprogo sekedhik.
Mlebet ing mangsa preen panjang natal sarta warsa enggal ingkang sesarengan kaliyan preen sekolah menika, krida ing Terminal tipe C Ngeplang Sentolo Kulonprogo langkung inggil kabandingaken dinten padatan. Ananging gunggunging bis ingkang mlebet ing terminal menikha mandhap kabandingaken tahun kapengker. Suparno salah saweneh petugas terminal ngandaraken, ing mangsa preen nataru tahun menika gunggungipun bis ingkang mlebet ing terminal ngeplang ngancik 8 unit saben dintenipun. Gunggung kasebat langkung katah kabandingaken dinten padatan ingkiang namung 3 dumugi 4 bis saben dintenipun. Ananging menawi dipun bandingaken kaliyan preen natal lan warsa enggal tahun kapengker, gunggung kasebat kapetan mandhap, engga 50 pesenipun. Mandhapipun gungunging bis ingkang mlebet ing Teminal Ngeplang menika kadugi awit saking katahipun masyarakat ingkang langkung milih ginakaken transportasi umum seput lan online. Kajawi menika suparno nelakaken bilih sakmenika katah bis ingkang langkung milih nginggahaken lan mandhapaken penumpang ing sak pinggiring mergi, amargi langkung cepet. Saengga kawontenan menika mangaribawani gunggung penumpang ing Terminal tipe C Ngeplang Sentolo Kulonprogo menika.
