TVRI YOGYAKARTA NEWS – WIDI-YUDHA
Para pamirsa endahing sekar anggrek dumugining wekdal samenika tasih ndudut kawigatosanipun ngakathah. Mboten maiben bilih nindaken usaha budidaya anggrek menika tasih gadhah kalodhangan peken ingkang inggil.
Sekar anggrek kathah dipun remeni dening warganing masyarakat awit kaendahaning lan werni sekar ingkang maneka werni. Ing Indonesia langkung saking gangsal ewu spesies anggrek, ananging ingkang kathah dipun mekaraken dening warga masyarakat ing laladan kitha lan pekawisan inggih menika jinis anggrek epifit kadosta anggrek dendrobium, bulan lan vanda. Mboten namung menikja taneman anggrek ugi saged dipun budidayaaken ing siti, kadosta jinis anggrek kalajengking. Usaha budidaya sekar anggrek dumugining wekdal sakmenika tasih gadhah pangajeng-ajeng ingkang sae peken ingkang tasih tinarbuka, sawetawis regi taneman sekar anggrek ugi ajeg, utawi stabil. Panyadening taneman anggrek menika mboten namung ing laladan Ngayogyakarta kemawon ananging ugi sampun ngancik ing kitha ageng sanesipun kadosta Jakarta, Bandung. Taneman anggrek gampil sanget dipun budidayaken lan nggadhai bobot ekonomi inggil lan cocok dipun budidayaaken ing pekawisan kitha jalaran mboten mebtahaken papan ingkang wiyar lan namung mbetahaken sunaring surya udakawis kawan dasa engga wolung dsasen. Kanthi mekaten taneman anggrek menika sae sanget dipun mekaraken mingaka panyengkuyung program intensifikasi pekawisan lan program ngijemaken laladan kitha kangge nikelaken boboting lingkungan ingkang endah lan nyaman. Usaha budidaya anggrek ugi dados salah setungaling daya kekiyatan panyengkuyung donyaning wisata.
