TVRI YOGYAKARTA NEWS – SETYA BUDI
Wit panggang mujudaken salah setunggaling wit langka ingkang sampun awis–awis dipun prangguli ing sak tengahing masyarakat. Salah setunggaling laladan ingkang tasih wonten wit panggang inggih menika ing Kapanewon Panggang Gunungkidul.
Dumugining wekdal sak menika dereng katan warga masyarakat ingkang mangertosi wujudipun wit pangga, menapa malih saking kalanganing generasi muda. Wit ingkang naminipun samikaliyan setunggaling kapanewon ing laladan Kabupaten Gunungkidul menika, kawontenanipun sampun langka. Ananging ing laladan Girisekar Kapanewon Panggang, taneman utawi wit panggang menika tasih saget dipun prangguli. Ing papan menika wit panggang tuwuh kanthi subur, lan dipun rimat utawi dipun lestantunaken dining jajat saweneh warga ing laladan menika. Menawi dipun tingali sak tleraman, taneman panggang menika meh sami kaliyan wit ringin. Ananging menawi dipun setitekaken kanthio estu, taneman panggang menika benten kaliyan wit ringin. Miterat jajat awit sampun langkanipun taneman menika, katah warga masyarakat ingkang sami badhe mekaraken taneman menika, kanthi cara dipun cangkok. Asilipun sawetawis bibit taneman menika dipun tanem ing sawetawis laladan ing Kapanewon Panggang Gunungkidul. Kanthi bentuk tajukipun ingkang rapet, taneman panggang menika trep sanget dipun tanem kangge lan dipun mupangataken kangge eyup–eyup. Dipun dugi wit panggang menika saget tuwuh ageng kadasdene wit ringin ingkang ron ipun ngrembuuyung.
