TVRI YOGYAKARTA NEWS – HENDRY
Sanadyan kathah kadang tani ulam ing pesisir Kulonprogo ingkang nindaaken budidaya urang, ananging kanyata wonten kadang tani ingkang kepara nindaaken budidaya ulam nila migunaaken toya payau.
Kados mekaten menika blumbang budidaya nila abirt ingkang dipun budidaya dening saweneh kadang tani ingkang wonten ing laladan pesisir trisik. Kapilihipun jinis nila abrit menika mboten ateges tanpa pawadan. Budidaya nila menika ngginaaken toya payau utawi campuran toya tawar lan toya seganten kados dene ingkang limrah dipun ginaaken kangge mbudidaya urang vaname. Sinaosa ngrimatipun gampil nanging kanyata ulam nila abrit menika nalika dipun-ingah ing toya payau langkung kityat ngajengi seakit. Mboten namung menika, werninipun ugi langkung ketingal langlung abrit. Sesakit kadosta jamur, infeksi insang utawi aeromonas sarta sesakit kleyang. Kangge ngawekani babagan menika saderengipun winih ulam nila abrit dipun sebar, ing dasar blumbang dipuns ukani gamping ingkang saderengipun sampun dipun besem rumiyin. Perkawis ingkang kedah dipun wigatosaken ing saklebeting budidaya ulam ing mangsa jawa ing antawisipun wekdal nyebar winih sampun ngantos dipun tindaaken nalika jawah jalaran toya jawah ingkang tataran asamipun inggil saged mangaribawani tuwuhipun ulam ing samangkenipun kirang sae. Saged kawuningan, pekenan panyuwunan ulam saking laldan pesisir saben dinten ngancik wolung kwintal langkung kanti regi selangkung ewu saben kilonipun, menika kemawon saestunipun ugi tasih kirang jalaran pekenan ulam nila ing DIY saben dinten mbetahaken sekedhikipun kalih ton langkung.
