TVRI YOGYAKARTA NEWS – SETYA BUDI
Jawah deres ingkang sampun wiwit dumados semangke menika dipun awekani dening kadang tani kanthi milih varietas pantun ingkang trep, ing pangajab saged tuwuh kiyat kanthi asil panen ingkang sae.
Kadang tani ing Padukuhan Gelaran, Karangmojo, wiwit mbudidaya pantun kanthi ngolah lahan ingkangbadhe dipun tanemi winih pantun. Mangsa tanem ingkang sesarengan kaliyan jawah ingkang sampun kapetang deres menika dipun awekani kadang tani kanthi milih varietas ingkang kaanggep trep. Sugi saweneh kadang tani ngandaraken jinising pantun ingkang dipun pilih inggih menika jinis ciherang lan sunggal. Pantun jinis menika langkung kiyat lan mboten gampil rebah.
Menawi mboten dipun pilih variestas pantun ingkang trep saged ndamel pantun gampil rebah nalika jawah, menapa malih jawah ingkang dipun sartani kaluyan angin ingkang ageng. Menawi rebah saged ndamel kapitunan ingkang ageng menggahing kadang tani. Kejawi milih varieta singkang kaanggep trep kadang tani ugi ndamel lahan kangge nanem winih langkung inggil supados mboten kembeng toya nalika jawah deres. Kadang tani ngajab supados aisling nanem pantun ingkang sesarengan kaliyan jawah menika saged sae kangge nambah wulu wetu.
