TVRI YOGYAKARTA NEWS – WIDI-YUDHA
Pamirsa, supados samangkenipun asiling who klengkeng newi kristal saged maksimal, salah setunggaling kupiya inggih menika ngicali pang maling utawi cawang air.
Klengkeng new kristal gadhah kaluwihan daging ipun kandel lan wijinipun langkung alit, sawetawis kandutan toyanipun ugi namung sekedhik kapandhingaken kaliyan jenis klengkeng pingpong menapadene aroma durian. Subadri saweneh kadang tani pembudidaya klengkeng new kristal saking Banjar Oya, Kalibawang Kulonprogo ngandaraken, ingkang saya ndamel asiling kadang tani saya sae, klengkeng new kreistal menika saged dipun awohaken sak wanci-wanci, manut laras kaliyan “ kekajenganipun pambudidaya. Saking winih pitung dasanan sentimeter lmantar sambung susu, sampun saged dipun awohaken nalika umur kalih setengah tahunan. Nalika dipun awohaken sepisanan produksinipun udakawis gangsal engga sedasanan kilo, ananging saya ageng witipun ugi badhe saya mindhak gungguning who. Taneman klangkeng new kristal umur sekawan tahunan, kanthi pangrimatan ingkang sae sarta ajeg ngethoki pangipun, sekedhikipun saged mawoh seket kilonan. Supados saged mawoh pancen mbetaheklen pangrimatan ingkang mirunggan inggih menika ngginaken setunggalng jinis hormon klengkeng ingkang saged dipun kocoraken ing sakiwa tengening taneman klengkeng. Wekdal anggenipun ngocor nalika ron ing fase vegetatif. Sasampunipun dipun kocor hormon kala wau, sadangunipun setunggal wulan padatanipun sampun wiwit tuwuh sekaripun, ananging supados samangkenipun wohipun ugi aged maksimal, pang-pang taneman ingkang mboten gina utawi ingkang asring sinbebat pang maling kedah dipun resiki.
Taneman klengkeng menika saged dipun panen pitung wulanan sasampunipun dipun kocor mawi hormon klengkeng V.
