TVRI YOGYAKARTA NEWS – WIDI-YUDHA
Kejawi ngendangi papan wisata alam, ing dinten preen pungkasaning tahun menika, panjenengan ugi saged ngendangi papan wisata edukasi jamu ingkang kawastanan Rumah Jamu Menoreh ingkang dumunung ing Gerbosari, Samigaluh Kulonprogo.
Rumah Jamu Menoreh, sampun mekar dados punjering kampung herbal ingkang kaloka kawit tahun 2015 kapengker. Madheging rumah jamu menoreh menika dipun suhi dening Mulyono, ingkang linandesan kathahing warga amsyarakat ing papan menika ingkang sami nindaken usagha budidaya empon-empon ing pekawisan. Saking kathahing warga kala wau saklajengipun, Mulyana gadhah gegayuhan ingkang agung ing saklebeting badhe nglestantunaken jampi tradisional ingkang wusananipun ugi saged saged nikelaken raharjaning warga amsyarakat. Kanthi wontenipun rumah jamu menoreh menika daya keiyatan utawi jamu loka saged ngrembaka kanti sae. Lampahing rumah jamu menoreh ugi mboten gampil, ananging jalaran gregeting warga lan tembeyatan kaliyan bebadan ingkang kawogan, manekawerni prestasi ugi sampun kasil kagayuh. Ing tahun 2018 saged sasab minagka juwara taneman toga ing taraan Kabupaten Kulonprogo saklajenbgipun ugi sasab dados juwara kalih ing taaran propinsi saengga saya ngiyataken lenggahipun minagka punjering pasioanosan jampi tradisional. Ing rumah jamu menoreh menika para tamu, saged sinau kadosa pundi cara ndamel jampi saking purwa engga wusana, saking ngolah lahan, milih winih, cara nanem lan ngopeni, pasca panen, engga ngolah empon-empon dados jampi.
Gilir gumantosing wekdal rumah jamu menoreh menika ugi, saged anyengkuyung tumnprap ntuwh mekaring potesni sanesipun ingkang wonten ing laladan menika ingkang wusananipun saya nikelaken raharjaning warga masyarakat. Kakangkah sumebar ing nuswantara. Saking dusun alit ing pareden menoreh jampi tradisional, saged sumebar ing nuswantara. Mboten pangalembana ingkang dados tujuwanipun ananging kados pundi nglestantunaken sumber daya alam, teneman herbal, empon-empom mingaka kupiya kangge ndamel sarasing bangsa.
