TVRI YOGYAKARTA NEWS – ADI NUGROHO
Usaha budidaya taneman vanili dumugi wedal sakmenika kanyata taksih gadhah kalodhangan peken ingkang tinarbuka, panyuwunanipun taksih inggil mekaten ugi pengaosing ing pekenan.
Taneman vanili mujudaken salah setunggaling taneman rempah ingkang gadhah bobot ekonomi inggil. Taneman vanili menika nate pikantuk sebatan minangka emas ijem jalaran reginipun ingkang awis. Setunggal kilogram vanili garing saged pajeng engga kalih yuta rupiyah, sawetawis who ingkang tasih teles kalih atus seket ewu rupiyah sekilonipun. Taneman vanili menika nate dados taneman ingkang dipun remeni kadang tani utawi dados primadona, emanipun taneman vanili menika kathah ama lan sesakitipun, wusananipun asilipun mboten saged maksimal. Usaha budidaya vanili dumugi wedal sakmenika temtunipun ugi tasih tinarbuka sanget jalaran panyuwunan peken samenika peken lokal menapadene peken eksport ugi prasasat mboten wonten sudhanipun. Nanging emanipun tasih kathah kadnag tani ingakng dereng mangertosi kados pundi cara nanem sarta pikantuk winihipun. Saged kawuningan, vainili mekatan saestunipun ugi tasih dados setumnggal kaluwarga kaliyan taneman anggrek sanesipun. Caranipun nanem ugi namung prasakja, kathah kathahuipun ugi namung kanthi dipun rambaatken ing taneman turusan. Kajawi saking winihipun taneman vanili menika ugi saged dipun babar lumantar stek batang. Saking winih ingkang dipun tanem kanthi ukuran wolung dasa sentimeter, ing salebeting sekawan tahun sampun wiwit mawoh. Inggiling regi temtunipun nindaken usaha budidaya vanili mujudaken setunggaling kalodhangan ingkang sae lan aged nikelaken karaharjaning kadang tani.
