TVRI YOGYAKARTA NEWS – HENDRY-ABDUL ROCHIM
Saking sakathaning jinis terong ingkang wonten, terong werni pethak menika kanyata raosipun langkung echa sarta kandetan seratipun ugi inggil, saya malih menawi terong menika dipun budidaya kanti cara organik.
Terong ingkang wonten ing pekenan menika kathah-kathahipun ugi namung jinis terong ijem menapa dene terong ungu. Ing laladan lahan Gesik Srigading samenika saweg dipun mekaraken terong unggulan werni pethak. Mbudidaya terong pethak menika ugi sami kemawon kaliyan terong sanesipun, nanging raosipun kanyata kangkung echa. Mboten namung menika terong pethak kanyata ugi ngandet serat langkung inggil sarta reginipun awis. Mboten wonten perkawis ingkang njlimet nalika mbudidaya terong kanthi cara organik menika. Ingkang baku kedah ajeg angginipun nyirami sarta ajeg anggenipun ngrabug, sawetawis menawi taneman menika keterak ama, kedah dipun semprot mawi pestisida organik ingkang kadamel saking peresan gadung, ron sata, ron mindhi lan sanesipun. Ing salebeting mangsa tanem setengah taun dangunipun, taneman terong menika saged dipun panen engga kaping gangsal welas langkung. Temtunipun bab menika ugi mujudaken kalodhangan usaha ingkang sae. Langkung tandes malih suhardi ugi ngajab warga masyarajat saged tumut nyobi nanem terong menka ing salebeting polibag kanti mupangatraken rabuk organik. Kejawi saged kangge damel langkung asrinipun griya, woh terong menia ugisaed dipun panen piyambak.
