TVRI YOGYAKARTA NEWS – MUCHAMMAD RIDWAN
Kathah jembatan ingkang nyambetakan setunggal kanupaten lan snesipun, salah setunggalipun inggih menika Jembatan Sembada Handayani. Ananging emanipun jembatan menika kawontenanipun reged mboten karimat lan kathah orek-orekan saking pelaku vandalisme.
Kados mekaten menika kawontenanipun Jembatan Sembada Handayani. Jembatan ingkang nggadahi kelir werni ijem lan jene menika mapan wonten ing Dusun Lemah Abang, Kalurahan Gayamharjo, Kapenewon Prambanan, Sleman menika kathah sanget orek-orekan migunaaken pilok saking tiyang ingkang mboten nggadahi taggel jawab. Orek-orekan vandalisme menika mboten namung ketingal wonten ing wewangunan jembatan kemawon ananging ugi ketingal wonten ing sisih ler saking laladan Sleman lan sisih kidul ingkang mlebet ing laladan Kabupaten Gunungkidul. Mboten namung menika ing perangan cagak ugi dados sasaran vandalisme. Kawuningana bilih Jembatan Sembada Handayani menika mujudaken jalur alternatif tumuju wewengkon Kabupaten Gunungkidul ingkang nglangkungi Kapanewon Prambanan. Jalur alternatif kanthi sesawangan alam padusunan lan pareden menika kathah dipun mupangatakend neing warga masyarakat kangge ngawekani mergi utami Gunungkidul Ngayogyakarta ing Pareden Hargodumilah Kapanewon Piyungan, engga pathuk ingkang padet.
