TVRI YOGYAKARTA NEWS – MARGOLARAS
Kapanewon Imogiri Bantul mboten namun nggadahi sakperangan cagar budaya kemawon, ananging ugi warisan tilaran budaya bangsa tak benda ing sampun dipun akeni UNESCO. Wonten tigang warisan budaya ingkang dados piyandelipun laladan ing Imogiri inggih menika ringgit, batik lan keris.
Ing laladan kapanewon imogiri bantul ingkang dados setunggal papan punjering budaya ing Ngayogyakarta, kejawi nggadahi sakperangan cagar budaya kadosta pajimatan pusara raja-raja mataram, ugi nggadahi tigang sentra produksi warisan budaya bangsa inggih menika wayang tatah sungging ing padukuhan pucung, batik tulis giriloyo, lan sentra produksi keris souvenir ing padukuhan banyu sumurup. Warga masyarakat Imogiri dumugi sak menika tasih krenteg nglestantnaken warisan budaya, kanthi nerasaken produksi warisan budaya leluhur menika. Menapa malih tigang warisan budaya inggih menika wayang, batik tulis lan keris, sampun dipun akeni kalian UNESCO dados warisan budaya tak benda ing donya. Kadosta ing banyu sumurup, sakperangan warga masyarakat taksih nindaaken produksi keris, lan warangka kangge keris souvenir. Kejawi kangge nglestantunaken warisan budaya keris ingkang sampun run tumurun, ugi dados usaha kangge nikelaken ekonomi kaluarga. Keris souvenir umumipun dipun damel gagrak Ngayogyakarta lan Solo, ingkang dipun pekenaken wonten ing laladan Ngayogyakarta piyambak, Solo, Semarang dumugi Jakarta.
Ing papan papan sentra kerajinan warisan budaya menika kanyata ugi dados potensi wisata budaya ing Imogiri, ingkang saget dipun datengi para pelancong. Kejawi saget mirsani anggenipun produksi kerajinan, ugi saget blanja kangge oleh-oleh.
