TVRI YOGYAKARTA NEWS – ILHAM
Ing padusunan kathah krida ingkang katindaaken warga masyarakat kangge mangayubagya datengipun warsa enggal. Salah setunggalipun inggih menika kanthi kempal sesarengan mirsani film sinambi dahar jagung bakar.
Gantosing warsa enggal mujudaken setunggaling kalodangan ingkang trep kangge kempal sesarengan ing antawisipun warga dusun. Mila mboten maiben bilih gantosing warsa enggal menika tansah dipun mupangataken dening warga masyarakat kangge nindaaken manekawerni krida. Kejawi kempal sesarengan kathah warga ingkang ugi sami mupangataken kaldoangan menika kangge nindaaken manekawerni krida. Kados ingkang dipun tindaaken dneing warga Dusun Sabeyan Panggungharjo Sewon Bantul menika. Ing wanci dalu malem warsa enggal warga sami kempal sesarengan kanthi mirsani film sinambi dahar jagung bakar lan ubarampenipun. Wonten ing acara klempakan menika warga ugi nindakaen krida ngepyaaken muda mudi dusun cabeyan. Ing pangajab para wiranem dusun menika mangke ingkang badhe ngregengaken lan nikelaken kamajenganing dusun lumantar manekawerni krida posotif ingkang dipun rancang sesambetan kaliyan pamerintah desa. Menapa malih ing acara menika ugi dipun adani pangepyakan dukuh enggal Sri Hartuti. Melam warsa enggal mujduaken steunggaling kalodangan ingkang sae kangg engraketakn pasederekan ing antawisipun warga setunggal lan sanesipun. Kanthi krida positif ingkang dipun adani kaajab saged nikelaken kamajenganing dusun kanthi raos peduli lan gotong royong mbangun dusun sesarengan.
