TVRI YOGYAKARTA NEWS – PAULUS YESAYA JATI
Kados ingkang dipun dugi ing laladan Tugu, Malioboro, dumugi Titik Nol Ngayogyakarta sampun dados papan ingkang dipun jujug dening masyarakat kangge mangayubagya gantosing warsa enggal.
Malem warsa enggal, laladan Tugu, Malioboro, Kraton utawi ingkang limrah dipun sebat gumaton mujudaken papan pilihanipun warga msayarkat kangge mangayubagya gantosing warga enggal. Saandyan cuacanipun radi grimis lan mendhung ananging kanyata bab wau mboten ndamel surutipun warga ndatengkathah warga ingkang sampun sami lenggahan wonten ing sakiwa tengening mergi ing laladan tugu pal putih. Mekaten ugi ing laladan Malioboro ingkang dumugi wekdal meika taksih dados jujugan utaminipun wistawan saking sakjawining Ngayogyakarta ingkang njarag ndatengi malioboro kangge mirsani sumringahipun kawontenan gantosing warsa enggal wau dalu. Ing papan meika ugi kathah wisatawan ingkang saminindakane swa foto. Kaleresan ing laladan Malioboro menika ugi wonten posko kesehatan kangge ngawekani menai wonten kedadosan tinamtu babagan kasarasaning warga ingkang ngendangi laladan Malioboro. Kejawi menika ugi ketingal setunggal unit mobil pemadam kebakaran. Ing Titik Nol ugi dados papan punjering gantosing warsa enggal 2025. Petugas kapulisen ugi ketingal njagi kawontenan ing papan menika supados tansah tertib lan aman. Kejawi kangge paringraos aman lan nyaman dumateng wisatawan ingkang mangayubagya warsa enggal ing Ngayogyakarta ugi kanthi panjaba supados wisatawan purun tindak wisata malih ing Ngayogyakarta minangka ajujugan wisata pilihan ingkang aman lan nyaman.
