TVRI YOGYAKARTA NEWS – WIDI-YUDHA
Para pamirsa, salah setunggaling jinis empon-empon ingkang asilipun mikolehi inggih menika jahe emprit. Kajawi saged dipun tanem ing lahan konvensional, taneman menika ugi saged dipun budidaya ing polibag.
Jahe mujudaken salah setungaling jinis emnpon-empon ingkang tasih setunggal ordo kaliyan, kunir, kencur lengkuas engga temulawak, jahe sgadhah miupangat ingkang ageng tumprap kasarsaning badan, padatyanipun dipun mupangataken kangge bumbu dapur, engga bahan dasar unjukan. Salah setunggaling laladan ingkang warganipun nindaken usaha budidaya jahe emprit inggih menika saking Nglinggo Samigaluh Kulonprogo. Pak to saweneh warga mratelaken jahe emprit menikia tasih kalebet langka jalaran dereng kathah tiyang ingkang sami nindaken budidaya, mengah caranipun budidaya ngginaken rimpangipun ingkang dipun tanem ing lahan kanthi dipun tambahi rabuk organik bucalan menda, siti sarta brambut pantun, winih ingkang dipun ginaken ingkang umuripun sampun tuiwa antawisipun sanga engga kalih welas wulan, rimpamgipun mulus, mboten wonten perangan ingkang caca, sarta werninipun gilap, menggah caranipun ngrimat taneman namung ajeg dipun sirami, wanci enjing lan sonten, lan ningali kawontenan lahyan, menawi ing mangsa rendheng mboten kedah dipun sirami, ananging pakto kedah waspada kathah ing gulma ingkang saged tuwuh ing lahan, rabuk susulan saben kalih wulan sepindhah, saged arupi rabuk kandang ingkang sampun dados menapadene rabuk cuwer, taneman jahe mbetahaken sirkulasi hawa lan toya ingkang gancar, saengga lahan kedah tansah ing kawontenan “ gembur” utawi phorus. Taneman jahe menika sampun saged dipun panen ing umur sekawan wulanan. Setunggal kilo jahe emprit saking kadang tani dipun kerta aji gnsgal welas dumugi kalih dasanan ewu rupiyah gumantung kaliyan bobnot kualitasipun.
