TVRI YOGYAKARTA NEWS – SETYA BUDI
Warga ingkang nyewaaken ageman adat ingkang wonten ing pesisir Ngobaran, Saptosari, Gunungkidul, kelarisan. Ageman adat jawi lan bali kathah dipun suwun dening wisatawan kangge nindaaken swafoto ing pesisir menika.
Watawis setunggal tahun pungkasan meniak jasa sewa ageman adat ing laladan pesisir Ngobaran laris. Kejawi mirsani sesawangan alam pesisir ingkang endah, wisatawan ingkang ngendangi pesisir menika kathah ingkang mupangataken papan wisata kangge nindaaken foto migunaaken ageman adat. Mila mboten maiben bilih jasa sewa ageman adat ing papan menika lajeng laris. Kados ingkang kawuningan bilih laladan pesisir menika nggadahi sesawangan alam kadosta ing Pulau Dewata Bali. Kadar Ismanto saweneh warga ingkang mbikak jasa sewa ageman adat menika ngandaraken bilih saben dintenipun piyambakipun saged ngladosi setunggal atus langkung wisatawan ingkang badhe nyewa ageman adat. Setunggal ageman dipun kerta aji 20 ewu rupiah kangge beya sewanipun.
Awit skaing kathahipun panyuwunan sewa ageman adat, mila ing papan menika ugi tansya kthah warga ingkang mbikak usaha nyewaaken ageman adat ingkang sampun dados kabetahanipun wisatawan ngendangi pesisir ngobaran menika.
