TVRI YOGYAKARTA NEWS – JATMIKO HADI
Ing purwakaning mangsa tanem pantun, kadang tani ing laladan Kulonprogo ngakeni kewetan anggenipun pikantuk rabuk subsidi. Kejawi kedah antri lan rebatan kaliyan kadang tani saneispun, rabuk ingkang dipun tampi kirang saking catu ingkang saged dipun tampi.
Rabuk taksih dados steunggaling perkawis ingkang dipun adhepi dening kadang tani ngajengi target-target program swasembada pangan nasional tahun 2027, amargi taksih kathah kadang tani ingkang kewetan pikantk rabuk subsidi sakinhg pamerintah. Suprihatin saweneh kadang tani warga kalurahan gotakan panjatan ngakeni bilih piyambakipun kedah antri lan kadangkala rebatan kaliyan kadang tani sanesipun kangge pikantuk rabuk jinis ponska lan urea. Mboten namung menika piyambakipun ugi ngakeni catu ingkang dipuntampi mboten kados ingkang dipun tetepaken. Nanem pantun ing lahan ingkang wiyaripun ngancik 1500 meter pesagi menika, suprihatin mbetahaken rabuk ingkang gunggungipun 200 kilo rabuk. Ananging catu ingkang dipun tampi namung 25 kilogram kemawon. Mila piyambakipun kedah mundhut rabuk non subsidi ingkang tentu pengaosipun awis.
Pengaosing rabuk urea subsidi watawis 115 ewu per 50 kilogramnya, saged ipun pundhut dneing kadang tani migunaaken kartu tani. Ananging menawi jatahipun kartu sampun telas kadang tani kedah mundhut piyambak. Sawetawis regi rabuk non subsidi menika ngancik 330 ewu per 50 kilogram. Kaowntenan menika tansaya ndamel sesanggemanipun kadang tani alit tansdaya awrat.
