TVRI YOGYAKARTA NEWS – WIDI-YUDHA
Taneman saking mancanegari wekdal sakmenika ugi sampun kathah dipun budidaya dening warga masyarakat ing laladan Ngayogyakarta. Sinaosa asalipun saking negari ingkang akwontenan suhunipun benten kaliyan Indonesia, kanyata ugi aged tuwuh subur ing Indonesia.
Negari Indonesia mujudaken negari ingkang gemah ripah loh jinawi, menapa ingkang dipun tanem saged tuwuh kanthi subur. Mboten namung taneman lokal, taneman saking negari manca ugi saged tuwuh, salah setunggalipun inggih menbika abiyu. Abiu utawi pouteria caimito mujudaken salahs etunggaling jinis who-wohan ingkang mlebet ing jinis sawo. Taneman menika asalipun saking laladan Amazon ing dataran rendah peru lan Brasil, ananging sakmenika ugi sampun sumebar ing sadengeh negari kalebet ing Indonesia. Sinaosa saking negari manca kanyata taneman menika ugi cocok lan tuwuh subur dipun tanem ing laladan Ngayogyakarta. Who abiyu gadhah cakrik bunder kanthi kulit ingkang alus lunyu lan gantilanipun kathah tlutuhipun, sawetawis menawi sampun tuwa werninig kulit dados jene. Taneman abiyu saged dipun babar lumantar wijinipuningkang sampun tuwa menapadene lumantar okulasi. Wiji abiyu ingkang sampun dipun pendet daging buahipun enggal-enggal dipun tanem supados tuwuhipun saged maksimal. Menggah rabuk ingkang dipun ginaken rabuk organik sarta NPK pertumbuhan menapadene pembuahan. Taneman abiyu saking wiji sampun saged mawoh ing umur kalih engga sekawan tahunan, sawetawis menawi saking okulasi saged mawoh langkunmg cepet setunggal dumugi kalih tahunan sasampunipun tanem. Taneman abiyu menika mawohipujhn nylandri, sapanjanging tahun lan mboten gumantung kaliyan mansga, kanthi saya kathahing taneman saking mancanegari ingkang saged dipun tanem ing indonesia menika, saged nambah khasanah keanekaragaman hayati. Ewassemntan saya kathaing taneman saking mancanegari, sampun ngantos ngicali bandha bandhuning taneman asli saking Indonesia.
