TVRI YOGYAKARTA NEWS – ADI NUGROHO
Cara budidayanipun ingkang gampil lan awis-awis wontenipun ama lan sesakit, nindaken usaha budidaya taneman sereh ijem ing lahan gesik mekaten asilipun langkung mikolehi.
Sereh mujudaken setunggaling jinis taneman ingkang kathah dipun mupangataken kangge jejangkeping bumbon, menapadene kangge manekawerni campuran unjukan. Bab ingkang mekaten menika ndamel panyuwuanan sereh mboten nate suda. Nguningani kawontenan ingkang mekaten menika agus saweneh among tani lahan gesik saking bantul wiwit rumiyin menika nindak-aken usaha budidaya taneman sereh. Miturut Agus, nindaken usaha nanem sereh menika langkung mikolehi kapandingaken kaliyan menawi dipun tanemai pantun. Ing lahan wiyaripun gansgal atus meter menika menawi dipun tanemi tela pendhem asilipun namung mepet. Menika ugi tasih dipun kirangi beya produksi kangge tumbas winih, ngolah lahan, rabuk lan obat. Sawetawis menawi dipun tanemi sereh saged medal engga setunggal kwintal, kanthi regi sedasa ewu rupiyah saben sekilonipun kadang tani saged pikantuk asil setunggal yuta gansgal atus ewu rupiyah. Pangrimatan taneman sereh ugi namung gampil, cekap dipun resiki gulma ingkang tuwuh ing sakiwatengening dapuran wit sereh. Cara mbabar taneman menika ugi gampil, sasampunipun dipun panen dapuran wau dipun sisak-aken kalih wit kangge winih malih.
