TVRI YOGYAKARTA NEWS – WIDI-YUDHA
Kangge nikelaken produksi sarta njagi ketahanan taneman saking angin lan sesakit, salah setunggaling cara ingkang saged kapilih ingih menika lumantar triple planting. Teknologi ingkang asalipun saking negari thailand menika kanuyata ugi cocok dipun trepaken ing Indonesia.
Kadang tani ing laladan Daerah Istimewa Ngayogyakrta, mboten kendat ing saklebeting badhe nikelaken asiling olah tetanen. Manekawerni teknbologi ingkang dipun mekaraken dening jumhuring pertanian ugi sampun dipun trepaken dening kadang tani. Mboten namung ing taneman janganan, pantun, ananging ugi ing donyaning taneman who-wohan. Salah setunggalipun teknologi olah tetanen ing saklebeting nikelaken produksi who-wohan inggih menika triple planter. Salah setunggalipun kados ing taneman duren ingkang dipun mekaraken dening Hadi Nugroho menika. Taneman duren dipun tanem ing setunggaling guludan bunder kanthi inggil udakawis setengahan meter. Ing guludan menika dipun tanemi tigang jinisn duren, kadosta bawor, musangking sarta duri hitam. Hadi Nugroho mratelaken bilih cara tanem meniak dipun pendet saking teknologi ingkang sampun dipun mekaraken ing negari thailand, ingkang kawsatanan triple planting. Menggah jarak tanem setunggal lan setunggal wit duren inggih menika kalih meter, lan jarak guludan setunggal kaliyan guludan sanesipun sedasanan meter.
Cara menika temtunipun ing setunggaling lahan saged ngasilalken manekawerni varietas who duren. Lumantar teknologi menhika ing pangangkah produkisinipun ugi saya matikel-tikel saengga, saged nikelaken karaharjaning kadang tani.
