TVRI YOGYAKARTA NEWS – HENDRY
Kangge ngawekani angin seganten ingkang inggil, kadang tani ing laladan pesisir mupangataken paranet minangka kangge pager ing lahan taneman janganan.
Kados ingkang kauwningan bilih ing laladan pesisir menika kathah kadang tani ingkang kasil anggenipun mbudidaya taneman olah tetanen. Kathah perangan ingkang nemtoaken kasil lan mbotenipun budidaya ing pesisir, salah setunggalipun inggih menika ngawekani angin ageng ingkang saged ngreridu tuwuhing taneman olah tetanen. Kathah cara ingkang dipun tindaaken, salah setunggalipun inggih menika mupangataken paranet minangka kangge pager tlahan olah tetanen. Paranet menika dipun paang ings akupengipun lahan taneman janganan. Pager menika ngggadahi mupangat kangge ngawekani angin ageng saking seganten ingkang ngandhet sarem inggil. Mboten namung menika menawi mboten dipun damel pager, taneman janganan ingkang sampun wiwit tuwuh inggil ugi saged rebah. Kejawi migunaaken paranet, kadang tani ugi nanem jagung ing sakopinggiring lahan ingkang nggadahi tujuan ingkang sami. Kaleresan ing lahan meika kadang tani nanem taneman janganan kangkung ingkang dipun tumpangsari kaliyan taneman lombok. Taneman lombok lan kangkung menika pancen kathah dipun budidaya kanthi cara tumpangsari. Kalenggahaning taneman janganan menika minangka kangge nyimpen toya ing siti ingkang mupangat kangge taneman lombok. Bab menika gayut kaliyan sipatipun taneman janganan ingkang saged nyimpen toya ing siti. Kejawi kangkung, kathah ugi kadang tan ingkang mupangataken taneman janganan sanesipun ingkang nggadahi sipat ingkang sami. Kadang tani ngajab mawi car ameika taneman ingkang dipun budidaya saged tuwuh kanthi sae kepara pengaosipun ing pekenan ugi inggil.
