TVRI YOGYAKARTA NEWS – SETYA BUDI
Jujugan wisata pesisir Gunungkidul ingkang wonten ing tapel wates kaliyan Kabupaten Bantul dipun padeti dening wisatawan ing dinten pisanan warsa enggal. Salah setunggalipun ingkang saged dipun pirsani ing Bukit Paralayang Watugupit.
Kados menika swasana mergi tumuju ing papan wisata Bukit Paralayang Watugupit, Tebing Watugupit, Giricahyo, Purwosari, ingkang sampun ketingal padet. Atusan wisatawan ketingal ndatengi papan wisata menika ingkang nawisaken sesawangan alam saking pareden ingkang endah. Saking papan menika wistawan sage dimirsani endahing alam pesisir saudra hindia lan ugi pesisir Parangtritis ingkang pas wonten ing sakngandhapipun. Bukit paralayang menika ugi kawentar minangka papan kangge nindaaken olahraga paralayang. Watu gupit ugi kathah dipun datengi dening wisatawan ingkag badhe mirsani sesawangan anglusping srengenge utawi sunset ing wanci sonten ingkang endah sanget. Mboten namung saking wisatawan lokal kemawon ananging kathah ugi wisatawan saking sakjawining Ngayogyakarta kadosta saking laladan Kitha Jakarta, Semarang, Magelang, Sumatera lan laladan Indonesia sanesipun. Kathahipun jujugan wisata ingkang wonten ing sakiwa tengening papan menika ugi ndamel akses mergi tumuju ing papan wisata menika gampil.
