TVRI YOGYAKARTA NEWS – WIDI-YUDHA
Mupangataken sisa limbah usaha produksi tahu arupi ampas dangsul, kangge campuran pakan kambangan, saged ngirit beya pakan engga kalih dasanan persen. Kanthi saya ngirit beya pakan kasebat, wulu wektuning kadang peternak, saged tikel tekuk.
Kathah cara ingkang saged dipun tindaaken dening warganing masayarakat kange nikelaken karaharjaning kulawarga, salah setunggalipun inggih menika ngingah kambangan ngingah kambangan mekaten mujudaken cara ingkang gampil dipun leksanaaken, jalaran mboten mbetahaken pawitan ingkang kathah lan pangrimatanipun ugi gampil. Ingkang kedah dipun etang supados samangkenipun pikantuk asil ingkang sae, inggih menika babagan pakanipun. Muh toha saweneh pembudidaya kambangan saking Banjararum Kulonprogo mratelaken bilih pakan mujudaken bab utamni ing saklebeting ngingah kambangan, menawi mboten dipun etang kanthi estu, pembudidaya kambangan mboten pikantuk asil kepara dados tekor. Supados usaha tani ngingah kambnagan saged pikantuk bebabthen saklajengipun piyambakipun, mupangataken sisa limbah produksi tahu kangge campuran bahan pakanipun, lumantar cara menika piyambakipun saged ngirit pakan sekdhikipun kalih dasa persen. Ampas tahu sisa limbah usaha ndamnel tahu menika dipun campur kaliyan pakan sanesipun kadosta katul, pur, arta ijeman janganan kadosta kangkung, bayem lan sakpanunggalanipun. Saben setunggal dinten saben setunggal iji kambangan kedah pikantuk ransum tetedhan katahipun setunggal koma pitung ons. Ing saklebeting ngingah kambangan moh toha ngginaken cara kandang kering. Ngingah kambangan kanthi cara menika langkung paring bebathen kapandhinaken kaliyan menawi dipun angon ing antawisipun asiling tigan langkung kathah,kasarasaning kambangan langkung kajamin sarta beya produksinipun langkung irit lan murakabi, kajawi menika kadang tani ugi saged ngingah langkung kathah. Ananging ingkang kedah dipun wigatosaken ing salebeting ngingah kambangan cara menika pakanipun kedah dipun gatosaken sanget wiwit babagan gisi lan proteinipun. Moh toha langkung ilih kambangan, jalaran kambangan mujudaken setunggaling jinis iwen ingkang nggadhai daya kekiyatan ingkang ageng ing salebeting ngasialaken tigan kajawi ayam. Kalangkunganipun ngingah kambangan inggih menika langkung tahan dhateng wontenipun sesakit kapandhingaken kaliyan ayam. Pengaosing tigan kambangan sakmenika saking tataran kadang tani ngancik kalih ewu satus rupiyah saben ijinipun.
