TVRI YOGYAKARTA NEWS – WIDI-YUDHA
Para pamirsa, sisa olahan lisah klapa kanyata saged saged dipun olah dados setunggaling nyamikan ingkang kawastanan kethak. Panganan menika dados nyamikan mirunggan saking Kabupaten Bantul.
Salah setunggaling pengrajin kethahk iggih menika ibu sulastri saking Pedukuhan Mangiran RT 123, Kalurahan Trimurti, Kapanewon Srandakan Bantul. Piyambakipun sampun ndamel kethak kawit tahun sewu sangang atus wolung dasanan. Ibu Sulastri mula bukanipun sesadeyan klapa lan ndamel lisah klentik, ananging wonten setunggaling bahan ingkang mboten kaghinaken inggih menika kethak utawi blondo, ingkang mujudaken ampas saking ngolah lisah klapa. Saking daya kreatifityasipun ibu sulastri saklajengipun kethak utawi bloindo kala wau dipun masngak dipun olah dados kethak manis. Ing saklebeting ndamel kethak menika kadosdene nalika ndamel wajik. Tataran sepisanan gendis jawi dipun obori ing wajan engga cuwer, saklajengipun kethak utawi blondo kala wau dipun lebetaken ing wajan lan dipun mangsak engga sekawan jam. Nalika ngudak mboten angsal mandheg, jalaran menawi mandheg dados gosong. Sasampunipun padet kethak kala wau dipun damel cakrik bunder lan dipun wadahi plastik bening. Saking gansgal atus klapa ngasilaken pitulikuran kilogram kethak. Saking pitu likur kilogram kethak menika dipun wungkusi dados sewu gansgal atus iji kethak. Panganan kethak meniak dipun sade sewu rupiyah saben ijinipun. Kethak meniak sampun dipun pendet dening para bakul ingkang saklajengipun dipun sade ing peken peken ing bantul sarta took oleh-oleh ing Ngayogyakarta.
Emanipun panganan mirunggan saking Bantul meniak sampun mboten kathah ingkang ndamel, kamangka daharan meniak mujudaken warisan leluhur lan dados angsal-angsal ciri mirunggan saking bantul. Raosakipun ingkang manmis, nyamikan menika cocok saget dipun dahar sinampi ngeteh menapaden ngopi.
