TVRI YOGYAKARTA NEWS – SETYA BUDI
Lobster dados setunggaling asil tangkepan para pamisaya mina ingkang wonten ing laladan Pesisir Siung, Tepus, Gunungkidul. Pengaosipun ingkang inggil ndamel pamisaya mina sumene sawetawis pados ulam lan gantos pados lobster.
Ing wekdal sakmenika, lobster dados setunggaling asil panen seganten ing laladan pesisir siung, kapanewon tepus, gunungkidul. Meh sedaya pamisaya mina ing laladan menika sami pados lobster minangka asil tangkepanipun. Mboten maiben bilih ing laladan menika lajeng saged dipun prangguli papan pelelangan ikan ingkang kathah nyade lobster. Menggahing pamisaya mina lobster menika nggadahi bobot ekonomi ingkang inggil. Wasito saweneh pamisaya mina ngandaraken bilih wiwit sawetawis wekdal pungkasan menika asil tangkepan lobster tikel kathah. Ing setunggal dinten kemawon piyambakipun saged pikantuk asil ngancik wolu dumugi sedaya kilo lobster. Wonten kalih jinis lobster ingkang wonteni nggih menika jinis pasir lan batu. Losbter pasir nggadahi ciri werninipun biru ijem ingkang pengaosipun ngancik 300 ewu rupiah setunggal kilonipun, dene lobster batu dipun sade kanthi pengaos ngancik 250 ewu rupiah. Padatanipun lobster menika gampil dipun tangkep ing perangan pereng.
Jaring lobster padatanipun dipun tebar nalika ing wanci sonten, lan badhe dipun angkat benjingipun. Pamisaya ing laladna menika padatanipun pados tangkepan lobster ngantos dumugi ing pesisir drini lan wediombo. Satu kapal biasanya akan diawaki dua hingga 3 nelayan.
