TVRI YOGYAKARTA NEWS – MARGOLARAS
Kangge para kadang tani ing laladan Srunggo Selopamioro Imogiri Bantul taneman pantun namung saget dipun tanem setunggal tahun sepisan, rikala ing mangsa rendheng kados wekdal sak menika. Amargi kabetahan toya namung saged kacekapan nalik aing mangsa jawah.
Sanadyan mboten dados taneman ingkng dados piyandelipun kadang tani ing lahan olah tetanen Padukuhan Srunggo Selopamioro Imogiri Bantul, ananging taneman pantun tetep dipun budidaya kanthi estu menapa malih nalika mlebet ing mangsa jawah kados ing wekdal sakmenika. Menawi toya saking saluran irigasi sampun mili, mila para kadang tani nembe saget miwiti nanem pantun. Sakderengipunnanem pantunw arga ing laladan meinka kedah mestheaken rumiyin pasudiyan toya skaing sumber menika rumiyin. Ing pesabinan srunggo menika taneman pantun mboten dados taneman ingkang dados piyandelipun kadang tani, namung umumipun kangge kabetahan konsumsi piyambak utawi cadangan pangan. Miturut kadang tani, ing mangsa tanem pantun ingkang dipun wiwiti pingkasaning desember desember menika pasudiyan toya kapetang nyakapi.
Kadang tani mratelakaken bilih taneman pantun ingkang trep dipun tanem ing sabin tadah jawah menika wonten sedaya jinis variertas ingkang dados pilihan, ananging dipun pilih jinising pantun ingkang nggadahi ciri genjah cethek umuripun, kadosta C 64, ciherang, 42, lan situ bagendit, amargi nanem pantun namung saged dipun tindaaken kaping setunggal saben tahunipun. Menawi sampun nanem pantun kadang tani ing laladan menika badhe nanem komoditas saensipun kadosta taneman hortikultura.
