TVRI YOGYAKARTA NEWS – WIDI-YUDHA
Menawi panmjenengan badhe napak tilas lampah sujarah ngarsa dalem Sri Sultan Hamengku Buwono ingkang kaping pitu, panjenengan saged ngendhangi Petilasan Pandansimo ingkang dumunung ing Padusunan Ngentak, Poncosari, Srandakan Bantul.
Kados mekaten menika kawontenan warisan budaya patilasan ngarsa dalem Sri Sultan Hamengku Buwono kaping pitu inglang dumunung ing Padusunan Ngentak, Poncosari, Srandakan Bantul. Ing papan menika ngarsa Sri Sultan Hamengku Buwono kaping pitu mesu budi, ing siring tengen lan kiwanipun dipun tuwuhi wontenipun wit pandan. Sawetawis palenggahan kangge mesu budi sak menika ugi sampun dipun damelaken pendapi alit, ingkang kakupeng wontenipunh pager saking tembok. Rukjiman saweneh warga ngandaraken bilih ing dinten-dinten tinamtu kadosta ing wulan sura, dinten selasa kliwon lan jemuah kliwon, papan menika kathah dipun datengi warga saking sadengeh laladan.
Emanipun bangunan sanesipun ingkang wonten ing kompleks Petilasan Pandansimo menika, kawontenanipun mrihatosaken sanget. Bangunanipun saperangan sampun sami risak kacihno saking tembokipun ingkag sampun bentet, lan gendhengipun ugi wonten ingkang sami mlorot, rujiman ugi nelaaken bilih rikala semanten ugi nate dipun adani pirembagan kangge mulyaaken bangunan ingkang risak menika, ananging dumugining wekdal sakmenika dereng kawujud. Warga ngajab dhumateng bebadan ingkang kawogan, enggal mulyaaken sangunan ingkang wonten, saengga saged anyengkuyung wisata budaya ing Ngayogyakarta.
