TVRI YOGYAKARTA NEWS – WIDI-YUDHA
Supados saged awet, sarta ngrahapi daging ayam kanthi raos ingkang benten, salah setunggaling cara ingkang saged dipun tindaaken inggih menika ngolah dados abon ayam.
Daging ayam mujudaken setunggaling lawuh ingkang kathah dipun dahar dening warganing masyarakat jalaran gampil anggenipun mansgak sarta saged dipun dadosaken maneka werni jinis olahan. Ananging dening kaum pawestri ing Sidoarum, daging ayam dipun olah dados abon. Lumantar cara menika daging ayam saged awet sarta menawi dingge lawuh temtunipun gadhah raos ingkang benten. Menggah caraning ndamel abon dipun wiwiti kanthi nggodhog daging dangunipun udakawis setengah jam, sasampunipun dipun godhog saklajengipun daging wau dipun tus toyanipun engga asat. Sasampunipun asat lan radi adem daging ayam wau sak lajengipun dipun suwir-suwir alit lan tipis. Supados raosipun eco lan pas kangge lawuh daging ayam ingkang sampun dipun suwir-suwir wau dipun sukani bumbu brambet, bawang putih, sarem, gendhis, ron jeram tumbar dalah jahe ingkang saderengipun dipun uleg engga alus, perkawis wigati lan nemtokaken asil ing salebeting ndamel abon inggih menika nggorengipun. Proses nggoreng kedah pas sampun ngantos kedangon saengga dagingipun dados cemeng, menapadene kecepeten saengga dagingipun semu pethak lan alot, wekdal nggoreng dangunipun udakawis sedasa dumugi gangsal welas menit. Sasampunipun dipun goreng tataran saklajengipun inggih menika dipun peres engga apoh ngginaken spiner. Kridha menika mujudaken perkawis ingkang nemtoaken bobot kasaenanipun abon. Saya apoh lisahipun badhe langkung awet.
