TVRI YOGYAKARTA NEWS – WIDI-YUDHA
Tahu mujudaken setunggaling daharan ingkang sampun “ merakyat “ jalaran gisinipun inggil, reginipun ugi kajangka dening warga masyarakat. Emanipun mingka panyudiya daharan rakyat kala wau, kadang pengrajin tahu dipun ontang-antingaken babagan regi bahan bakenipun.
Tahu mekaten mujudaken setunggaling daharan ingkang sanget dipun remeni dening warga masyarakat jalaran kandhutan gisinipun inggil sawetawis pengaosipun kaanggeb mirah. Tahu saged dipun olah dados manekawerni menu wiwit dipun damel jangan, dipun goreng engga dipun kreasi dados manekawerni jinis. Saderengipun dados setunggaling daharan ingkang kawastanan tahu mbetahekn maneka werni proses. Tataran sepisanan inggih menika dangsul dipun rendem ing salebeting toya ingkang dangunipun udakawis kalih jam. Sasampunipun dipun rendhem lan kanggeb cekap sangsul wau lajeng dipun kumkbah supados resik. Ing wekdal rumiyin saderengupun wonten mesin kangge nggiling kangge ngejur dangsul wau temtunipun sisah lan mbetahaken wekdal ingkang dangu, anaging samenika namung dipun lebetaken ing mesin giling dangsul wau sampun kados bubur jalaran ing salebeting nggiling kedah dipun tamabah toya. Sasampunipun dipun giling cuweran dangsul wau salajengipun dipun mangsak udakawis setengah jam dangunipun, sasampunipun setengah jam tataran salajenipun inggih menika dipun saring saperlu dipun pendhet sarinipun asil saringan ingkang cuwer wau salajengipun dipun pres lan dipun iris. Sasampunipun dipun iris tataran ingkang pungkasan inggih menika dipun mangsak malih saengga tahu dados radi atos. Ing atataran menika para perajin kadangkala nyukani werni ing tahunipun ngginaken kunir saengga werninipun dados jene. Sasampunipun dipun mangsak udakawis setengah jam tahu wau sampun siyaga dipun pekenaken menapadene dipun mangsak. Emanipun tahu ingkang saged kangge yekapi kabetahan gisi masyarakat menika, kadang kala dipun ontang-anting aken regti bahan baken ingkamng minggah mudun. Kadang pengrajin tahu namung ngajab dhumateng bebadan ingkang kawogan wontenipun stabilisasi regi dangsul, mekaraken dangsul lokal, bebanton usaha engga insentif produksi. Kanthi mekaten para pengrajin tetep saged nyawisaken tahu minagka daharan ingkang ngandut gisi ingkang kajangkau masyarakat.
