TVRI YOGYAKARTA NEWS – HENDRY
Usaha budidaya lele dumugi wekdal sakmenika taksih nggadahi pangajeng-ajeng ingkang sae. Kangge nikelaken asil, pambudidaya saged nikelaken padet tebar ing setunggaling blumbang.
Kados ingkang kawuningan bilih budidaya lele mujudaken setunggaling usaha ingkang murakabi amargi panyuwunanipun inggil. Saweneh warga ing Dusun Karang, Jati Sarono Kulonprogo nikelaken padat tebar ing setunggaling blumbang terpal. Blumbang ingkang nggadahi diameter 2,5 menika padat tebar lelenipun ngancik kalih ewu lele. Dene lele ingkang dipun budidaya inggih menika lele jinis mutiara. Blumbang saking terpal menika kejawi mboten mbetahaken papan ingkang wiyar ugi langkung gampil anggenipun ngrimat. Pasokan toya ugi saged dipun tindaaken kanthi gampil. Ngawekani wontenipun sesakit jamur ingkang nerak ing mangsa rendheng menika, piyambakipun ajeg nggantos toya budidaya setunggla dinten kaping kalih ing wanci enjing lans onten. Kangge nggantos toya ing blumbang menika namung kanthi mbikak saluran bucalan lumantar pipa paralon ingkang wonten ing sakjawining blumbang. Nalika dipun bika mila toya ingkang wonten ing ngandhap blumbang menika badhe medal. Anggenipun mbucal toya menika dipun tengga ngantos toya dados bening, menawi sampun lajeng dipun tutup. Kanthi cara menika toya ing blumbang menika saged kajagi resikipun ngiras pantes kangge ngirangi zat amonia. Kanthi cara menika asiling produksi lele kanyata sae sanget. Menawi sampun panen, sampun wonten bakul ingkang ndatengi papanipun menika.
