TVRI YOGYAKARTA NEWS – SETYA BUDI
Mlebet ing mangsa jawah menika panyuwunan mendha ing Kapanewon Paliyan Gunungkidul kapetang inggil. Pasudiyan pakan ijeman ingkang kathah nalika mangsa jawah semangke dados setunggaling pawadanipun.
Nalika mangsa ketiga kapengker, dol tinumbas mendha ing laladan gunungkidul sepen amargi pasudiyan pakan ijeman ingkang winates. Ananging sakmenika panyuwunan mendha ing laladan Kapanewon Paliyan Gunungkidul mimndhak malih. Ngajengi mangsa jawah menika dados setunggaling kalodangan piyambak menggahing kadang tani ternak amargi semangke nalik ajwa pakan ijeman kathah sumadya bentennalika ing mansga ketiga. Ing Peken Kewan Trowono, Kapanewon Paliyan Gunungkidul, saged dipun prangguli kathah bakul ingkang mbeta mendha mekaten ugi warga masyarakat ingkang sami mudhut mendha. Saridi salah saweneh warga karangduwet paliyan ngandaraken bilih piyambakipun mundhut ngancik gangsal mendha ingkang badhe dipun piyara kanthi jangka wekdal ingkang dangu. Jinising mendha ingkang kathah dipun pundhut inggih meinka indukan umur produktif.
Inggilipun panyuwunan mendha meika lajeng mangaribawani pengaosipun ingkang inggil. Kangge jenis mendha babonan mindhak ngancik 150 ewu rupiah. Dene mendha jawi ukuran sedeng dipun sade ngancik 1.5 yuta rupiah.
