TVRI YOGYAKARTA NEWS – WIDI-YUDHA
Para pamirsa, kawontenan cuaca ingkang mboten tinamtu ndamel taneman pantun gampil katrajang ama lan sesakit. Kajawi jamur lan wereng ama ingkang ngrebasa inggih menika keong mas.
Keong emas mujudaken setunggaling ama ingkang dumugining wekdal samenika tasih dados pepalang ing saklebeting nindaken usaha nanem pantun. Taneman pantun ingkang dipun rebasa ama keong mas menika dipun pertandani kanthi puntesipun taneman jalaran dipun pangan dening keong mas. Sarji saweneh kadang tani mratelaken bilih ngrebasaning keong mas ing laladan menika sampun dumados wiwit gansgal tahun kapengker engga sepriki. Manekawerni cara kangge ngendhaleni keong mas sampun katindaken, wiwit ngginaken obat-obatan engga nggantos pola tanem, ewasemanten ama keong menika dumugining wekdal samenika dereng saged dipun kendhaleni, keong mas menika saged tahan setunggal mangsa tanem palawijo, lan menawi kenging toya saged nigan malih. Keong mas menika ngrembakanipun cepet sanget, saben setunggal keong saged ngasilaken tigan engga tigang atus iji, lan saben kalih minggiunan sampun netes. Mboten namung ing wit pantun, tigan-tigan keong menika ugi nemplek ing galengan pesabinan. Sarji ugi mratelaken kangge ngirangi saya ngrembankaning keong mas wau kadang tani namung mendheti setunggal mbaka setunggal saklajengipun dipun mupangataken kangge pakan kambangan, kaajwi keong ingkang sampun ageng, piyambakipun ugi mendeti tigan keong, dipun remuk saengga mboten saya ngrembaka. Sawetaiws menika kangge gampilaken anggenipun mendeti keong wau, saperangan kadang tani nyukani ron tales ing pinggiraning sabin. Sasampounipun nglempak nembe dipunpendheti lan dipun bucal. Keong mas menika ugi dipun mupangatken kangge pakan iwen bebek.
