TVRI YOGYAKARTA NEWS – WIDI-YUDHA
Para pamirsa, kangge ngentasaken warga langip ing Indonesia, jiwa mandireng pribadhi mekaten kedah dipun mekaraaken. Jalaran tuwuhing jiwa mandiri kala wau kajawi saged ngripta lapangan pakaryan tumprap diri pribadi, ugi tiyang sanes.
Lampah gesangipun Heri warga Srimartani Piyungan Bantul menika kawiwitan tigang tahun kapengker. Sasampunipun makarya ing setunggaling juragan mebel sangang tahun dangunipun, wiwit tahun kalih ewu sangalas, tuwuh jiwa mandireng pribadhi badhe amiwiwti mbika usaha piyambak. Sinaosa kanthi pawitan ingkang pas-pasan, kanthi greget lan tekat ingkang inggil, heri bikak usaha ing pinggiraning mergi dusun kemloko. Wiwitanipnipun pancen kewetan pados lengganan, nanging linandesan jiwa mandierang pribadhi wau, gilir gumantosing wekdal, lenggananipun saya kathah. Jiwa mandireng pribadhinipun heri saya matikel-tikel sasampunipun usahanipun saya majeng. Kajurung mekaraken jiwa mandireng pribadhinipun wau salajengipun piyambakipun ugi sampun ngladosi pesenen kusen, ing proyek-pryek perumahaning papan menika piyambakipun mekaraken usahanipun. Menawi sekawit namung ngladosi pesenen kusen, lawang ananging sakmenika ugi ngladosi pesenen prabot bale griya.
Sinaosa sakmenika usaha menika nembe dipun lampahaken piyambak, ing tembe ngajengipun heri gadhah gegayuhan saged ngrayaaken tiyang sanes. Asiling pakaryanipun heri ingkang sampoun dipun lampahi tigang tahunan, wekdal samenika sampun nedahaken asilipun. Sinaosa mboyten ageng sanget kanyata saged kangge nyekapi kabetahaning kulawarganipun.
