TVRI YOGYAKARTA NEWS – WIDI-YUDHA
Para pamirsa, sinten ingkang nyana bilih taneman mangkokan ingkang padatanipun namung dipun tanem ing pager, kanyata gadhah mupangat ageng ing donyaning kasarasan. Saengga mboten wonten klentunipun nanem wit mangkokan menika ing pekawisan.
Taneman mangkokan padatanipun dipun tanem dening warga masyarakat minagka kangge pager menapadene dipun dadoaken taneman hias. Cakrik ronipun ingkang gadhah ciri mirunggan kadosdene mangkok, kaajwi dipun mupangtaken kangge taneman hias kanayat ugi gadhah mupangat ageng ing donyaning kasarasan. Tugimin saweneh warga saking, Pelukan, Sendangsari Kasihan Bantul ngadaraken bilih saking pengalamanipun ron mangkokan menika saged nggancaraken asi. Menggah caranipun ron ingkang tasih enem saged dipun damel urap. Kaajwi menika ugi saged kangge njagi suburing rikma, miturut tugimin caranipun ron mangkonan dipun remet-remet saklajengipun dipun tambahi lisah klapa lan dipun mupangartaken kadosdene lisah rambut, sawetawis menik saking asiling panaliten ron mangkoan menika ngandut vitamin A, vitamin B lan vitamin C, witipun ngandut alkaloid, saponin, flavonoid, polifenol, lemak, kalsium, phosphor dan zat besi, meh sedaya peranganing wit mangkokan menika saged dipun mupnagataken kangge pangusadan, cara nanem wit mangkokan menika ugi kalebet gampil, saged dipun babar lumantar stek batang. Wit ingkang sampun tuwa saklajengipun dipun kethok lan dipun tanem ing media tanem, saged ing lahan konvensional menapadne ing setunggaling pot. Tugimin atur panyaruwe, nguningani bilih taneman mangkokan menika badhe dipun mupangataken kangge pangusadan, langkung sae menawi cara budidayanipun katindaken lumantar cara organik, wiwit saking rabuk engga pambrasthaning ama lan sesakitipun.
