TVRI YOGYAKARTA NEWS – WIDI-YUDHA
Para pamirsa, tumut nglestantunaken kabudayan jawi, pwiranem saking laladan Sanden Bantul sami nindak-aken gladhen karawitan, ingkang dipun adani seminggu kaping kalih.
Kados mekaten menika kridhaning para wiranem saking laladan Wonorejo 2, Gadingsari, Sanden Bantul, nalika anyartani gladen gamelan jawi. Kanthi tumemen para pasarta mundi dawuhipun penggladhinipun nalika nabuh menapadene nyekaraken gendhing jawi. Klempakan karawitan ingkang kaparingan nama laras budaya menika, warganipun wonten tiga likur wiranem sae menika kakung lan putri. Gladhen gamelan dipun adani kaping kalih semingggunipun ingkang dipun gladi dening pak ngadiman. Sinaosa dereng dangu anggenipun anyartani gdladhen, kanyata para wiranem menika ugi sampun lanyah lan nguwaosi gansgal gendhing jawi. Menawi dipun tingali nalika nabuh para wiranem menika ugi ketingal sampun prighel sanget, mboten kedah ningali seratan tembang piyambakipun sampun apal. Kawontenan ingkang mekaten menika jalaran para wiranem ing laladan menika sampun sami kayungyun sanget dhumateng seni karawitan minagka warisaning leluhur saengga gampil katampi, ing saklebeting gladhen karawitan menika para pasarta milabikanipun nabuh gamelan ingkang radi gampil rumiyin, saklajengipun sedaya pasarta pikantuk giliran manekawerni jinis gamelaningkang wonten, kaangkah sedaya saged nabuh sedaya jinis gamelan. Para wiranem ing laladan greget anggenipun sinau gamelan jalaran gamelan jawi utawi gangsa mujudaken salah satunggaling warisan budaya ingkang adiluhung lan anggdhai bobot sujarah lan filosofis ingkang inggil tumprap Bangsa Indonesia, mliginipun tumprap warga masyarakat jawi gamelan mekaten anggadhai kalenggahan estetika utawi kaendahan ingkang wonten gandheng cenengipun kaliyan nilai sosial, moral lan spiritual. Ing tembe ngajengipun para wiranem menika sagedto nguri-uri, lan mboten kasupen dhumateng budayaning bangsa ingkang adiluhung.
