TVRI YOGYAKARTA NEWS – ADI NUGROHO
Mila bukanipun kathah ingkang mastani bilih azola utawi taneman paku air menika namung mujudaken jinis gulma ingkang mboten migunani. Nanging saking asil panaliten, azola menika kanyata kathah sanget mupangatipun, salah setungalipun kangge sumbering vitamin lan protein menggahing ulam menapadene ternak.
Azola mujudaken setunggal setunggalipun genus paku air. Azola ingkang gadah nami latin azolaceae menika purwakanipun kathah dipun anggep minangka gulma ingkang damel reged blumbang. Nanging saking kathah panaliten, azola kanyata mujudaken setunggaling taneman ingkang kebak mupangat jalaran ing salebeting taneman menika kakandet zat-zat aktif ingkang migunani kangge pakan ternak menapadene kangge ndadosi kawontenan oksigen ingkang awon ing salebeting toya, dereng kathah ingkang mangertosi bilih kanyata tamenan azola menika gadah sesambetan simibisosis ingkang sae kaliyan bakteri biru hijau anabaena azollae ingkang wusnanaipun gadah mupangat kangge ngiket nitrogen langsung saking hawa oksigen. Mila mboten, maiben azola menika ugi sae dados rabuk. Anaging ing astanipun para kadang tani, azola dipun-mupangataken minangka rabuk tambhan ingkang dipun-sukaken ing siti nalika azola sampun dipun pepe garing. Ingkang ndudut kawigatosan, azola menika pancen cepet tuwuh nalika dipun tanem kanti leres. Ing etangan setunggal minggu kemawon saged panen azola lan dipun mupangataken jumbuh kaliyan kabetahnipun piyambak piyambak.
