TVRI YOGYAKARTA NEWS – HENDRY
Menggahing kadang tani ing pesisir, nindaaken budidaya taneman janganan mujudaken kalodangan ingkang sae, menapa malih kabetahan toya kangge nyirami kamenika langkung mirah.
Kados mekaten menika taneman janganan kangkung ingkang dipun budidaya dening salah saweneh kadangtani ing laladan pesisir Pendansari Bantul. Taneman kangkung menika dipun tanem wonten ing lahan pesisir ingkang temtunipun kedah dipun kemonah kanthi mligi. Piyambakipun nanem kangkung wonten ing pekswisan griyanipun. Gunggunging taneman kangkung ingkang dipun budidaya kapetang kathah, ananging pancen mboten dipun tanem kanthis esarengan, amargi piyambakipun kedah ngemonah lahan olah tetanenipun. Sakderengipun dipun tanemi kangkung, lahan gadahanipun menik mujudaken lahan ingkang dipunginaaken kangge nanem manekawerni hortikultura. Ananging ing mangs atanem menika sedayanipun dipun rombak landipun gantos taneman kangkung sedaya. Piyambakipun nyirami taneman kangkung menika saben dintenipun minangka kupiya kangge ngawekani hawa saking pesisir. Anggenipun nyirami menika sampun mupangataken sumur bor ingkang ngginaaken tenaga listrik. Piyambakipun ngendika bilih ngginaaken tenaga listrik menika langkung mirah menawi kapandingaken kaliyan ngginaaken bensin. Setunggal atus ewu pulsa listrik meika saged kangge nyirami setengah wulan dangunipun. Kangge ngawekani seskait jamur piyambakipun ugi sampun ngusadani migunaaken obat semprot. Kangkung menika saged dipun panen sasampunipun umur selangkung dinten nalika ing mangs aketiga, ananging nalika ing mangsa rendheng saged dipun panen ing umur tigang dasa dinten. Ing wedal tigang dinten, kangkung menika sampun tuwuh inggil malih. Ing pekenan setunggal iket taneman kangkung ing wekdal sakmenika pengaosipun pitung ewu rupiah.
