TVRI YOGYAKARTA NEWS – WIDI-YUDHA
Para pamoirsa, salah setunggaling taneman hias ingkang cocok kangge ngrengga griya sarta ngrimatipun gampil inggih menika taneman cocor bebek varigata. Kajawi endah kangge ngrengga pekawisan, taneman menika kanyata ugi gadhah mupangat ing donyaning kasarasan.
Taneman hias cocor bebek, saya kaloka ing kalanganing para sutresna taneman jalaran kaendahan sarta gampil ngrimatipun. Taneman ingkang gadhah ciri ronipun kandel kanthi cakrik ingkang nyleneh mboten namung narik akwigatosan minagka dekorasi griya, ananging ugi nawisaken kalodhangan ekoinomi ingkang sae tumprapipun para pembudidaya, taneman hias. Cocor bebek mujudaken salah setunggaling taneman sukulen ingkang saged tuwuh kanthi sae, ing pot menapadne ing pekawisan. Kaluwihan taneman menika saged tahan ing kawontenan lahan ingkang garing, saengga mboten mebtahaken panyiraman ingkang intensif. Wonten manekawereni jnis taneman cocor bebek, ananging ingkang nembe diopun gandrungi Sutresno taneman hias ingih menika cocor bebek varigata. Taneman cocor bebek variugata menika gadhah ciri mirunggan ronipun kalih werni inggih menika ijem lan pethak. Saweneh warga ingkang mbabar taneman cocor bebek varigata inggih mnenika Harjito saking Boro Suci Banjar Asri, Kalibawang Kulonprogo. Taneman cocor bebek menika dipun tanem ing pot mawi media saking campuran siti, brambut pantun bakar sarta rabuk organik igkang sampun dados. Cara ngrimatipun dening Harjito, namung dipun sirami media tanemipun kanthi ajeg, utawi ningali kawontenan media tanemipun, taneman emnika mbetahakan suraing surya ingkang cekap, ananging ugi saged tuwuh ing panggenan ingkang eyup. Taneman cocor bebek menika saged dipun babar lumantar stek batang kemawon, kepara saking ronipun ugi saged tuwuh. Ing peken regi taneman cocor bebek menika ugi manekawerni, gumantung kaliyan ukuranipun. Kaendahan lan ngrimatipun ingkang gampil, budidaya cocorc bebek kajawi dados hobby ugi dados setunggaling kalodhngan usaha, ingkang sae.
