TVRI YOGYAKARTA NEWS – HENDRY-ENDAH
Menawi padatanipun taneman lombok dipun budidaya wonten ing lahan ingkang mligi, ananging benten kaliyan ingkang dipun tindaaken dening saweneh warga bantul ingkang mbudidaya lombok wonten ing galengan lahan pantun.
Taneman lombok taksih dados setunggaling komoditi olah tetanen menggahing kadang tani ing pundi papan. Mila mboten maiben bilih kadang tani tansah greteh anggenipun mbudidaya taneman lombok ingkang taksih nggadahi kalodangan ingkang sae menika. Menawi padatanipun kadang tani mbudidaya taneman lombok ing lahan ingkang mligi kanthi gunggung ingkang kathah, benten kaliyan ingkag dipun tindaaken dening saweneh warga Bantul menika ingkang mbudidaya taneman lombok wonten ing galengan lahan sabinipun. Galengan ingkangh namung ciyut menika menawi padatanipun dipun ginaaken kangge mbudidaya taneman sanesipun kadosta tela kacang menapadenen taneman refugia, ananging dipun mupangataken kangge nanem lombok ingk sapanjanging galengan. Asilipun sae gunggungipun lombok ing setunggal wit ugi kathah namung kemawon kados ingkang dipun dugi taneman lombok menika ugi mboten saged kalis saking ngrebasanipun ama lan sesakit. Wonten ama lan sesakit ingkang saged idpun prangguli kadosta pathek ingkang damel perangan woh lombok dados bosok lan ugi kutu pethak ingkang ngrebasa ing perangan pang taneman lombok. Ananging sanadyan kathah ama lan sesakit rahayunipun piyambakipun saged panen taneman lombokipun menika makaping-kaping. Menawi pengaosipun inggil aisling panen menika sage dipun sade kangge nambah wulu wetu ananging nalika pengaosipun andhap cekap dipun mupangataken piyambak kangge nambah pasudiyan bumbon.
