TVRI YOGYAKARTA NEWS – ABDUL ROCHIM
Para pamirsa, salah setunggaling cara, tetanen ing lahan ingkang bera, supados asilipunn saged maksimal inggih menika lumantara cara budidaya ing pot. Salah setunggalipun inggih menika budidaya nanas ing pot.
Kados mekaten menika taneman nanas ingkang dipun tanem ing setunggaling pot, sinaoa ing wadhah ingkang winates kanyata ugi saged kanthi subur lan wohipun ugi saged maksimal. Cara budidaya nanas menika minagka salah setunggaling kupiya mupangataken lahaningkang cengkar lan bera minim saking unsur hara. Usaha budidaya nans kados mekaten menika saged katindaken sok sintena kemawon, jalaran caranipun ugi namung gampil. Menggah media tanem ingkang dipun ginaken ingih menika campuran saking siti, brambut pantun, sarta rabuk organik. Taneman nanas menika saged dipun tanem saking saker utawi anakanipun menapadene saking crown utawi jambulipun who nanas. Caranipun nanem inggih mboten sisah saker utawi crownipun cekap katanem ing salebeting siti ingkang saderengipun dipun campur kaliyan rabuk kandhang. Salebeting nanem winih udakawis namung gangsal sentimeter kemawon ingkang kaceblokaken ing siti. Jalaran dipun tanem ing lahan ingkang winates, panyiraman kedah ajeg sampun ngantos telat kanthi ningali kwontenan siti, kajawi menika ugi ngresiki gulma ingkang tuwuh ing sakiwatengeing taneman. Wit nanas menika saged dipun panen setunggal tahun saampunipun katanem. Lumantar cara budidaya taneman nanas ing pot menika, lahan-lahan ingkang bera lan kathah selanipun, saged dipun mupangatken kangge budidaya taneman nanas, sarta kangge ngrengga pekawisan. Budidaya nanas menika gadhah pangajeng–ajeng ingkang sae, jalaran kajawi minagka who seger, ugi saged dipun damel selai menapadene sirup nanas.
