TVRI YOGYAKARTA NEWS – ADI NUGROHO
Ing satengahing kawontenan jaman ingkang sampun sarwamuka menika, kanyata kerajinan gangsa tradisional jawi tasih lestantun, kepara saben wulanipun pesenan sakprangkat gangsa mboten nate leren.
Saprangkat gangsa dumados saking menaka werni jinis lan nami kadosta kendang, rebab, gambang, kenong, kempul, bonang, siter, gender engga gong. Saben jinis gangsa wau kanyata ugi gadhah mupangat menapadene kalengahan wigati piyambak-piyambak, kadosdene gong ingkang paring mupangat kangge nutup setunggaling wiramaning gendhing ingkang panjang lan paring raos timbang sasampunipun purnaning setunggaling gendhing. Gamelan mekaten dumados saking kalih perangan laras inggih menika slendro lan pelog. Mas legiono ingkag nglajengaken usaha kerajiann gangsa sking tiyang sepuhipun menika ugi waleh, nyepeng usaha damel gangsa mekaten pancen gampil–gampil angel. Dipun betahken setunggaling raos seni ingkang ingil mlgibipun snei karawitan jalaran pande gangsa mekaten kedah nguwaosi mankewerni ngilmi wiwit saking ngilmi cor logam, kimia dumugi ngilmi ingkang langka inggih menika laras gangsa. Perkawis panyuwunan gangsa ing ngayogjakarta, legiono ingkang kawit alit pancen remen gangsa ugi njlentrehaken dumugi wedal samenika prasasat mboten nate sepen. Wonten kemawon saking instasi menapa dene perusdahaan ageng sae menika lumantar lelang utawi dateng langsung ingkang sami pesen gangsa jangkep, kanti bobot ingkang sae. Saged kawuningan, ingkang dados ciri mirungganipun gangsa damelanipun Legiono mboten sanes gangsa ingkang tanpa sambungan utawi tanpa las-lasan. Gamelan mujudaken setunggaling warisan ingkang adi luhung sampun sakmesthinipun kedah dipun lestantunaken.
