TVRI YOGYAKARTA NEWS – WIDI-WENDY
Kangge ngirit beya pakan pabrikan, pembudidaya nila saking Brayut, Pendowoharjo, Sleman nyukani pakan tambahan arupi maggot, lumna sarta azola.
Pengaosing pakan ulam pabrikan setunggal sak isi tigang dasa kilogram, ing wekdal sakemnika pengaosipun ngancik tigang atus gansgal welas ewu rupiyah. Saya awising regi pakan ulam kala wau temtunipun badhe ndamel awrating pembudidaya ulam, jalaran bebthenipun mepet sanget. Nguningani kawontenan ingkang mekaten menika, Fauzan saweneh warga sakjing Brayut, Pendowoharjo, Sleman ing saklebeting nyukani pakan ulam nila ngginaken pakan tambahan arupi maggot. Lumantar cara menika saged ngirit beya kangge tumbas pakan pelet ngancik pitung dasanan persen, saben setunggal kilo maggot ingkang dipun budidayaken piyambak beya utawi bepnipun namung gangal ewu rupiyah, sawetawis menawi tumbas maggot ing pekenan ngancik pitung ewu dumugi wolung ewu rupiyah saben sekilonipun. Kanthi mekaten saking pakan pelet menika saged ngirit gansgal ewu dumugi pitung ewu rupiyah saben sekilo pelet. Ing saklebeting makani maggot menika kedah dipun etang, jalaran ulam nila ugi mbetahaken karbohidrat, sawetawis maggot namung protein kemawon. Awit saking menika Fauzan ugi tetep nyukani pakan utami arupi pelet, sarta pakan tambahan sanes inggih menika ron azola sarta ron lumna ingkang dipun budidayaaken piyambak, kajawi kangge pakan ulam nila, pakan tambahan maggot menika ugi cocok kangge ulam lele, patin sarta bawal, kepara kangge pakan iwen. Fauzan nambahaken usaha budidaya ulam nila kanthi ndamel pakan mandiri kados meaketn emnika regi ulam nila ingkang dipun sade pangaosipun saged mirah. Saben setunggal kilo ulam nila siyaga konsumsi dipun sade kanthi regi tiga likur ewu rupiyah. Kanthi regi ingkang semanten wau, warganing masyarakat kaajab saged tumbas, saengga kabetahan protein hewani mliginipun ulam saged kacekapan.
