TVRI YOGYAKARTA NEWS – WIDI-YUDHA
Kopi Merapi dipun kemonah kanthi cara organik lan sampun netepi standar nasional indonesia. Kopi merapi menika murni tanpa campuran bahan sanesipun.
Sawetawis tahun pungkasan menika, warung-warung kopi madeg ing sadengah laladan ing Ndhusun menapadene laladan kitha, ngunjuk kopi sampun dados satunggaling gaya hidup menggahing warga, kopi merapi dados unggulan. Raos lan gandanipun mirunggan, jalaran tuwuh ing siti ingkang ngandhut awu vulkanik merapi, saengga. Ngandhung silenium ingkang mujudaken anti oksidan. Asiling kadang tani ing sleman menika dipun olah, lan dipun sade lumantar koperasi kebun makmur, ing sawungan, hargobinangun, pakem, wonten kalih varietas kopi ingkang dipun tanem dening dasanan klempakan tani, ing Turi, Pakem lan Cangkringan inggih menika robusta lan arabica. Minangka komoditas unggulan, pamarintah kabupaten sleman malah kepara sampun nawisaken ing peken internasional, amrih njagi kualitas ingkang pinunjul, kopi ingkang sampun dipun pepe garing menika, lajeng milah kopi langkung rumiyin manut ageng lan alitipun. Proses salajengipun dipun panggang ing mesin, dangunipun watawis tigang dasa menit kangge jinis kopi robusta. Wondene jinis arabica watawis gangsal welas ngantos pitulas menit. Proses roasting utawi manggang kopi menika wonten ingkang ngantos keliripun cemeng, lan wonten ingkang sedengan kemawon, gumantung pesenan, salajengipun, kopi dipun wadhahi kanthi ukuran setrengah kilolan seprapat kilo. Saben kilo bubuk kopi pengaosipun tigang dasanan ewu rupiah. Kopi Merapi menika murni, tanpa campuran bahan sanesipun.
