TVRI YOGYAKARTA NEWS – WIDI-YUDHA
Para pamirsa ,ing mangsa rendheng menika, pengrajin slondok sisah pados bahan baken sarta kewetan anggenipun badhe mepe. Kadang pengrajin kedah oyak-oyakan kaliyan jawah, supados bobot kasaenanipun slondok saged maksimal.
Slondok mujudaken salah setunggaling nyamikan ingkang dipun damel saking tela pohung ingkang dipun damel kanthi cara mirunggan saengga gadhah cakrik bunder lan tengahipun bolong, ing saben-saben laladan gadhah nama piyambak-piyambak wonten ingkang nyebat lanting, slondok, srendel lan sak piturutipun. Slondok menika gadhah ciri mirunggan renyah lan gurih, kepara radi batos. Salah setunggaling pengrajin slondok inggih menika Partjiyah, saking Losari, Banjarasri, Kalibawang, Kulonprogo. Usaha ndamel nyamikan menika sampun lumampah tigang dasa eneman tahun, bahan baken ingkang dipun ginaken kangge ndamel slondok inggih menika tela mertega. Kapilihipun jinis tela menika jalaran werninipun jene saengga saya langkung mranani, sarta langkung wulet nalika dipun “pithili “. Saben setunggal dintenipun, parjiyah piyambakipun saged ndamel slondok engga gangsal welas kilogrm, lan ig preen natal kala wingi mujudaken berkah piyambak tumprap parjiyah, jalaran pikantuk pesenen engga setunggal kwintalan. Salah setunggaling pepalang ingkang dipun adhepi dening pangrajin slondok ingih menika mansga rendheng kados wekdal sakmenika. Bahan baken arupi tela mertega, kirang sae, jalaran tuwuh ron enem saengga menawi dipun godhok, telanipun dados ganyol utawi mboten mateng sampurno. Kajawi menika ugi kewetan anggenipun badhe mepe. Bab menika mangaribnawni medhaking produksi, lan bobot kasaenanipun slondok. Menawi kawontena cuaca benter setengah dinten sampun garing, sewalikipun menawi mandhap jawah asilipun ugi kirang sae, werning kirang resik. Setunggal kilogream slondok, dipun sade selangkung ewu rupiyah, ingkang dipun pendet bakul saking Kulonprogo, Ngayogyakarta menaapdsene lan Sleman.
Usaha kerajinan slondok igkang katindaken dening parjiyah menika ugi ndamel ubenging ekonomi wiwit saking kadang tani, pengrajin engga bakul.
