TVRI YOGYAKARTA NEWS – MUCHAMMAD RIDWAN
Maneka jinis menda lan domba dipun-budidayaaken dening kadang tani ternak, salah setunggalipun inggih menika domba gibas asil silangan utawi cros. Domba lanang cros gibas ugi dipun-mupangataken semenipun.
Menika wujudipun domba gibas, asil silang utawi cros kaliyan domba gibas lokal ingkang dipun mupangataken semenipun, supados saged nurunaken domba ingkang nggadhahi bobot kasaenan ingkang inggil. Badanipun ingkang inggil lan ageng, kanthi bobot watawis 55 kg menika minangka pawadan para kadang tani ternak mbudidaya domba jinis menika. Miturut pambudidaya domba, warga Dusun Pundong, Kapanewon Mlati, Sleman, Ari Prabowo, domba gibas asil silangan, cakrik badan, buntut, lan bobot dagingipun meh sami kaliyan domba gibas ingkang asli. Ananging minagka asil silangan kaliuyan domba lokal, mangaribawani ewahing genetik domba cros gibas menika nggadhahi sungu, ewa semanten, domba gibas ingkang asli boten gadhah sungu utawi dugul. Wondene kaluwihanipun domba cros gibas ing antawisipun, nggadhahi karkas daging ingkang ageng, tahan sedaya cuaca lan gampil adaptasi, satemah asl silang domba gibas menika dipun remeni dening kadang tani ternak. Sinaosa nggadhahi sawetawis kaluwihan, kanyata ugi gadhah kakirangan, salah setunggalipun inggih menika dagingipun mboten sedaya werninipun abrit.
Ari Prabowo ugi waleh, domba gibas menika gampil dipun budidaya. Sinaosa sawetawis bab kadosta buntut kanthi wulu ingkang kandel, ewet dipun kawinaken.
