TVRI YOGYAKARTA NEWS – ADI NUGROHO
Saking sakathahing varietas jagung manis unggulan, jagung manis jenis jambore kayekti trep sanget dipun budidayaken ing lahan kritis. Mila mboten maiben menawi jagung jenis menika ugi kathah dipun tanem ing lahan gesik.
Panyuwunan jagung manis ing wekdal sakmenika kapetang sae, kepara ajeg. Ananging emanaipun dereng kathah ingkang nanem, kathah-kathahipun inggih nanem jagung biasa kangge pakan. Kados naminipun, jagung menika nggadahi raos ingkang langkung manis kapandingaken kaliyan jinis padatanipun saya malih menawi kadnag tani milh winih jaging manis ingkang kalebet varietas unggulan kadosta jambore, cara ngrimatipun taneman jagung menika ugi kapetang gampil. Mujio setunggaling kadang tani ing laldan lahan gesik bantul ngandaraken bilih ingkang baken sitinipun kedah ing kawontenan garing mboten kembeng toya. Kejawi menika ugi kedah dipun resiki saking gulma utawi mantun. Mantun menika mujudaken perangan ingkang baken kangge ngicali suket ingfkang tuwuh ing saktengahing wit jagung. Menawi mboten dipun icali suket wau badhe tuwuh langkung subur kapandingaken kaliyan traneman jagungipun. Kejawi menika taneman jagung wau ronipun badhe jene ingkang ndayani asiliing jagung mboten sae. Piyambakipun nyirami taneman jagung jambore menika saben dinten nguningani bilih siti medianipun dumados saking gesik ingkang porus sanget lan gampil garing. Taneman jagung menika sampun saged panen ing umur watawis 3 wulan. Piyambakipun ngakeni bilih panyuwunan jagung manis menika kapetang ajeg kepara tansaya mindhak. Mboten wonten sesakit ingkang kedah dipun wigatosaken ing saklebeting nanem jagung menika. Menawi sampun wonten taneman ingkang dipun panen, piyambakipun lajeng nggantos taneman wau dados taneman ingkang enggal.
