TVRI YOGYAKARTA NEWS – WIDI-YUDHA
Para pamirsa, menda peranakan etawa dumugining wekdal sakmenika tasih narik kawigatosaning ngakathah. Kajawi dipun pendet susu lan dagingipun, menda jinis menika ugi asring kangge kontes.
Laladan Sabrang Kidul, Purwosari, Girimulyo Kulonprogo mujudaken satunggaling laladan ingkang sapereangan warganipun nidaken usaha budiodaya menda Peranakan Etawa utawi PE. Ngingah menda etawa menika kanyata saged kangge cagaking gesang warga masyarakat. Menawi dipun setitekaken kanthi saestu ngingah menda etawa menika langkung paring bebathen tumprapipun dhateng kadang tani jalaran kajawi saged dipun pendhet anakanipun, jinis menda menika ugi saged ngasialken susu ingkang saged dipun peres. Salah setunggaling warga ingkang nindaken buididaya menda Peranakan Etawa utawi PE iinggih menika Wanto. Piyambakipun sampun ngingah menda pe menika kawit tahun sewu sangang atus bsanga dasa gangsal. Ing saklebeting budidaya menda Peranakan Etawa utawi PE menika Wanto lumantar cara breeding utawi nganakaken menda kanthi gungguning babonan engga pulujhan iji. Wekdal sakemnika Wanto gadhah puluhan babonan menda Peranakan Etawa utawi PE.
Ing salebeting ngingah menda ettawa menika mboten mbetahaken pangrimatan ingkang mirunggan pakanipun ugi namung ijem-ijeman kadosta ron kaliandra, kulit dangsul, komboranipun polar, sarem kaliyan toya. Ananging mangsa ketiga mujudaken salah setunggaling pelapang ing salebeting nindaken usaha budidaya menda peranakan etawa menika. Awit saking menika kadang klempakan menda etawa ing papan menika ndamel pakan saklajengipun dipun simpen ing bank pakan.
