TVRI YOGYAKARTA NEWS – WIDI-YUDHA
Para pamirsa, Masjid Sulthoni Wot Galeh kajwi mingaka papan kangge syiar islam, rikala jaman rumiyin ugi gadhah mupangata minagka papan pertahanan rakyat.
Masjid Sulthoni Wot Galeh mujudaken salah setunggaling masjid pathok negara kajawi mlangi, ploso kuning, babadan lan dongkelan. Masjid menika dumunung ing Dhusun Noyokertan Sendangtirto Berbah Sleman mapan ing sak nginggiling siti kagungan dalem Kasultanan Ngayogyakarta. Masjid menika pasipun ing sisih kidul Bandara Adisucipto gandheng kaliyan Hastono Wot Galeh ingkang mujudaken pasareyanipun pangeran purboyo. Masjid menika dipun dhegaken rikala tahun jaman kajayanipun Kraton Mataram ing tahun 1600 masehi. Sujarah madeging masjid menika mboten saged uwal saking sujarah pasareyan Hastono Wot Galeh. Tembung wot galeh mekaten saking kalih tembung inggih menika wot ingkang maknaanipun papan kangge nyebrangaken lan galeh ingkang tegesipun manah. Saking tembung kasebat ngemot makna papan kangge nglantaraken kekajenganing manunga ngiyataken manah tumuju dhumateng kersaning allloh subahnallohu wataala linan desan sabar lahir lan batos. Kalantipaning para leluhur ingkang ngedeegaken mataram ingkang kupiya paring nama mboten namung nama biyasa kemawon ananging sampun menggalihaken lan ngetangaken kangge putra wayah.
Bangunan Masjid Sulthoni Wot Galeh gadhah cakrik bangunan jawi, dumados saking senthong utami, pawestren lan serambi ngajeng. Kadosdene ingkang dados ciri mirunganing masjid gadhahanipun kraton, duk rikala semanten ing sakngajenging masjid ugi wonten blumbangipun, ananging sak menika sampun dipun uruk jumbuh kaliyan krida njembaraken mesjid. Senthong utami arupi cakrik joglo dipun sangga cacah sekawan saka guru saking kajeng jatos. Sawetawis kubahing masjid kanthi cakrik mahkota raja ingkang dipun rengga cakrik ron kluwih sarta gada. Jumbuh kaliyan kawontenan mesjid menika ugi sampun dipun mulyaaken ananging tetep njagi cakrik aslinipun.
