TVRI YOGYAKARTA NEWS – JATMIKO HADI
Nenek moyang indonesia kawentar anggadahi pangertosan ing babagan olah tetanen ingkang sae. Salah setunggaling bukti sujarah tinggalanipun nenek moyang ing babagan olah tetanen inggih menika sistem surjan ingkang dipun pitados saget ngawekani bena.
Kados mekatne menika olahtetanen ingkang ngginakaken sistem surjan kagunganipun kelompok tani silayur, ing Dusun Kaligintung Kidul, Kaligintung, Temon, Kulonprogo. Sistem surjan menika mujudaken bukti inggilipun pangertosan leluhur ing babagan olah tetanen. Sistem surjan menika sakjatosipun dipun trepaken kangge ngawekani bena ing pesabinan. Cara damel olah tetanen sistem surjan meika kanthi ngolah lahan pesabinan kanthi inggiling lahan ingkang benten–benten. Bab menika kangge ngawekani menawi lahan olah tetanenipun kadang tani kenging bena, saengga lahan ingkang langkung inggil tasih saget dipun tanemi manekawerni komditas tetanen.
Sasampunipun dipun tetepaken minangka warisan budaya tak benda khas Kulonprogo, manekawerni krida ajeg dipun adani kangge nglestantunaken olah tetanen sistem surjan menika. Salah setunggaling inggih menika pasanggiri intensifikasi lahan olah tetanen surjan ingkang dipun gelar setahun sepisan.
Agus setyawan nambahaken kajawi kupiya nglestantunaken olah tetanen sistem surjan, pasanggiri menika dipun ajab saget ningkataken motifasi nipun kadang tani ingkang lahan pesabinanipun asring kenging bena, mliginipun ing laladan Kulonprogo siring kidul.
