TVRI YOGYAKARTA NEWS – JATMIKO HADI
Amargi mboten pajeng dipun sade, sawetawis kadang tani ing laladan pesisir Kulonprogo, mupangataken ron tela asil panenipun kangge pakan ternak.
Mandhapipun regi ron tela ing pekenan, ndamel kadang tani pambudidaya tela ing lahan gesik pesisir Kulonprogo, mboten nyade asil panenipun ing pekenan. Sakmenikia pengaosing setungal unting ageng ron tela namung 6 ewu rupiyah kemawon. Saengga kadang tani langkung milih mupangataken ron tela menika kangge pasudiyan pakan ternak. Kados ingkang dipun tindakaken dining tohir salah saweneh warga Dusun Garongan I Kalurahan Garongan Kapanewon Panjatan Kabupaten Kulonprogo. Piyambakipun mupangataken ron tela ingkang mboten pajeng dipun sade, kangge pakan rajhakaya kanthi dipun olah dados silase. Kajawi saget awet, kanthi ndamel silase menika kadar protein ingkang wonten ing ron tela langkung inggil. Kangge ngirangi kandetan pestisida ing ron tela kasebat, piyambakipun ndamel layu ron tela menika sakdangunipun 3 dinten. Sak sampunipun menika ron tela dipun cacah ngginakaken piranti mesin engga alit – alit. Lan ingkang pungkasan ron tela dipun lebetaken ing drem plastik sak dangunipun 1 minggu. Menawi sampun 1 minggu silase menika saget dipun pakanaken dumaten rajakaya.
Kanthiu mupangataken ron tela menika, tohir ngakeni saget ngirit beya kangge nyekapi pasudiyan pakan rajakayanipun. Kajawi menika domba ingkang dipun ingah saget tuwuh langkung cepet.
